Overnatting på Myrland
Myrland ligg lett tilgjengeleg, samtidig litt utanfor allfarveg – og det er akkurat det som gjer staden til eit godt utgangspunkt for fjellturisme på eigne premissar.
Vinterstid har du tilgang til over 100 km med preparerte skiløyper rett utanfor døra, og berre 5 minutt unna ligg snøsikre Hallingskarvet skisenter.
Sommarstid opnar fjellet seg: ta deg til topps på Hallingskarvet, gå ned ville og vakre Aurlandsdalen, sjå Hivjufossen – eller ta ein tur over til Gurostølen og handle ost frå Rueslåtten ysteri, nyslått vinnar av oste-VM (2026).
Om Myrland
Myrland er opphavleg eit småbruk som har endra seg i takt med samfunnsutviklinga. På byrjinga av 1970-talet vart det etablert bensinstasjon her for å tena anleggstrafikk og etter kvart biltrafikken mellom aust og vest. Frå tidleg 1980-tal vart drifta utvida med kro, daglegvarebutikk og hytteutleige. Myrland var i vekst og fast drift fram til 2019.
I dag er drifta nedskalert til sesongdrift og eit enklare tilbod. Men med den same gode fjellkjensla.
Praktisk info
Innsjekk
Utleiga på Myrland er i hovudsak sjølvbetent. Når opphaldet er bekrefta i bookingsystemt vårt, sender vi deg praktisk info med kode til dørlås etc.
Du kan sjekke inn etter kl 15 på ankomstdagen. Utsjekk er normalt kl 11. Seinare utsjekk kan avtalast.
Parkering
Det er gratis parkering for gjestene våre.
Vi har dessverre ikkje opplegg for elbil-lading. Næraste ladestasjon er på Hagafoss (20 km)
Vi tilbyr ikkje utfartsparkering; det er stor parkeringsplass ved brøytestasjonen for korttidsparkering.
Lokalisering
Myrland ligg ved foten av Hallingskarvet, midt mellom Oslo og Bergen, langs FV 50 Hol - Aurland.
Avstandar:
Hallingskarvet skisenter - 5 km / 7 min
Fagerdalen støl - 30 km - 45 min
Geilo - 35 km / 35 min
Ål - 39 km / 40 min
Aurland - 70 km / 1 time 10 min
Flåm - 79 km / 1 time 20 min